Viðskiptalíkan, viðskiptaáætlun og stefnumótun

Grunnupplýsingar um forsvarsmann fyrirtækisins, svo sem upplýsingar um menntun og reynslu sem nýtist við rekstur fyrirtækisins ættu að koma fram í upphafi viðskiptaáætlunarinnar.

Heiti verkefnis og á hvaða formi verður það rekið. Staðsetning, starfsemi og slíkar upplýsingar.

Lykilatriði úr hverjum kafla fyrir sig birtast í samantektinni og því er eðlilegast að vinna hana þegar vinnslu annarra kafla er lokið. Samantektin þarf að vera hnitmiðuð og gefa glögga mynd af viðskiptaáætluninni í heild; þar þarf að gera öllum megin þáttum áætlunarinnar skil, lýsa þörf fyrir vöru/þjónustu og hvernig á að uppfylla þörfina.

Koma þarf fram hver áætlaður markaður er og hvernig varan er í samanburði við aðra á markaði. Einnig að gera grein fyrir því hver áætlaður stofnkostnaður er og því hvernig fjármögnun verður háttað. Niðurstöður rekstraráætlunarinnar gjarnan settar fram í töflu, þar sem fram koma tekjur, kostnaður og rekstrarniðurstaða.

Samantektin er í raun sölusíða viðskiptaáætlunarinnar sjálfrar. Hún þarf strax í upphafi að vekja áhuga lesandans. Þar á eftir koma mikilvægustu atriði viðskiptaáætlunarinnar sjálfrar og í lok samantektarinnar þarf að benda á hvað viðskiptatækifærið er álitlegt.

Hafa skal í huga að lesendur viðskiptaáætlunarinnar munu í einhverjum tilfellum eingöngu lesa samantektina. Samantektin ætti ekki að vera meira en ein blaðsíða að lengd.

Hér skal lýsa hvaða þörfum viðkomandi vara eða þjónusta er ætlað að mæta eða hvað tækifæri viðskiptahugmyndinni er ætlað að grípa. Einnig er hér sagt frá viðskiptahugmyndinni og megintilgangi hennar í örfáum setningum.

 – Hver er söluvaran, helstu eiginleikar hennar og sérstaða.

 – Hvernig uppfyllir varan þarfir viðskiptavinarins og skapar fyrirtækinu sérhæfingu og samkeppnisforskot? Hvernig er þörfinni sinnt núna?

Virði fyrir viðskiptavin getur m.a. verið fólgið í nýjungum , bættri virkni, lágu verði, betri gæðum, einföldu notendaviðmóti, góðri hönnun og sterkri ímynd.

Lýstu vörunni á einfaldan hátt svo a’ aðrir sem ekki þekkja til skilji um hvað verið er að ræða, t.d. fjöldi vöruflokka, eiginleikar og/eða sérstaða hvers vöruflokks.

 séiHér þarf að koma fram stærð markaðar, verð og þróun, álit viðskiptavina á eiginleikum vöru, mögulegar dreifileiðir, kauphegðun á markaði, skoðun á samkeppnisaðilum osfrv. 

Upplýsingaöflun getur verið með ýmsu móti. Skoðun fyrirliggjandi gagna getur verið árangursrík, s.s. sölutalna, þróun markaðar og ýmissa hagstærða. Upplýsingum má jafnframt safna með því að leggja spurningar fyrir tiltekinn markhóp eða gera formlega markaðsrannsókn. Upplýsingaöflun getur einnig falist í að kanna stærð markaðar, verð og þróun, álit viðskiptavina á eiginleikum vöru, mögulegar dreifileiðir, kauphegðun á markaði og skoðun á samkeppnisaðilum

Fyrirtækjagreining gengur út á að kanna núverandi aðstæður á markaði fyrir vöruna, stærð markaðar og einkenni. Hver líkleg þróun sé á markaðnum, hvort hann sé í vexti eða hnignun. Hvort einhverjar breytingar hafa nýverið orðið, t.d. varðandi kauphegðun, vöruþróun eða nýjungar.
Skoða þarf hvort einhverjir þættir í efnahags- eða stjórnsýsluumhverfinu séu líklegir til að hafa áhrif á markaðinn í náinni framtíð.

Markhópagreining er aðferð sem skiptir viðskiptavinum í hópa t.d. landfræðilega, lýðfræðilega, eftir einstaklingseinkennum eða kaupvenjum.

Mikilvægt er að fram komi hverjir væntanlegir markhópar séu, en þeir geta verið mismunandi eftir ólíkum vörum fyrirtækisins. Lýsa þarf einkennum valdra markhópa og hvernig megi ná til viðkomandi hóps. Hvar búa viðskiptavinirnir? Hverjar eru kaupvenjur helstu viðskiptavina og hvernig mun fyrirtækið koma til móts við þær? Hvert verður megin markaðssvæði fyrirtækisins? Þegar fyrirtæki hefur skilgreint hvaða markað verði stefnt á, þarf að taka afstöðu til þess hvernig á að standa að markaðssetningu.

Verð: Út frá hverju er verð vörunnar fundið? Er það út frá verði samkeppnisaðila, út frá kostnaði, eða út frá því hvað viðskiptavinurinn er tilbúinn að borga? Verður verðlagning mismunandi eftir árstíðum? Á að bjóða ákveðnum hópum sérkjör? Hvernig verður greitt fyrir vöruna?

Dreifileiðir: Hvernig verður vörunni dreift til viðskiptavina? Ætlar fyrirtækið að selja beint til viðskiptavina, gegnum smásala (verslanir), eða í gegnum aðra milliliði? Er varan eingöngu seld á netinu? Ef fyrirtækið ætlar að selja beint til viðskiptavina er mikilvægt að horfa vel til staðsetningar og hvernig hún passar viðskiptavinum.

Kynningarstefna: Huga þarf að því á hvern hátt upplýsingum er best komið til markhópsins. Ákveða þarf hvaða miðlar verði nýttir, t.d. dagblöð, sjónvarp eða samfélagsmiðlar og hvaða leiðum verði beitt, t.d. auglýsingum, markpósti, vefsvæði, samfélagsmiðlum eða beinum samskiptum. Hægt er að útbúa birtingaáætlun en þar er, með skipulögðum hætti, sett niður áætlun um birtingu kynningarefnis, auglýsinga, sýningaþátttöku og annað það sem lýtur að sýnileika fyrirtækisins.

Markaðs- og söluáætlun: Allar upplýsingar sem unnið er með í þessum markaðskafla eiga að skila sér í markaðsáætlun. Þar að auki þarf að setja fram forsendur um selt magn í einingum á ákveðnu tímabili, söluverð og þróun sölu innan tímabilsins, á skýran og vel rökstuddan hátt. Söluáætlun miðast við sama tímabil og fjárhagsáætlanir. Gott getur verið að setja söluáætlun upp í töflu þar sem tímabil eru skilgreind á sama hátt og gert er í fjárhagsáætlun. Söluáætlun verður síðan hornsteinn rekstraráætlunar og áætlunar um sjóðstreymi.

Samkeppni: Öll fyrirtæki keppa á einn eða annan hátt. Fyrirtækið getur verið með ákveðna, beina samkeppnisaðila eða það getur verið með það hvernig viðskiptavinir hafa verið að gera hlutina í langan tíma. Þegar þú þekkir samkeppnina skaltu greina hver annar veitir þjónustu til að leysa sama vandamál og fyrirtækið reynir að takast á við. Hver er kostur fyrirtækisins umfram þessara keppinauta? Hvernig mun rödd fyrirtækisins heyrast fyrir hávaða samkeppnisaðila? Stundum inniheldur viðskiptaáætlun fylki af eiginleikum og ber saman hvernig hvert fyrirtæki býður upp á eða býður ekki upp á þá eiginleika. Þessi hluti endurspeglar hvernig lausn fyrirtækisins er önnur og hentar betur fyrir þann markamark sem er greindur samanborið við samkeppni.

Hér getið þið notað upplýsingar úr Markaðs- og samkeppnisgreiningunni og Viðskiptavinir

Markaðsáætlun
 – Út frá hverju er verð vörunnar fundið? Er það út frá verði samkeppnisaðila, út frá kostnaði sem fellur til við framleiðslu og/eða umsýslu hennar, eða út frá því hvað viðskiptavinurinn er tilbúinn til að borga?  Verður verðlagning mismunandi eftir árstíðum? Á að bjóða ákveðnum hópum sérkjör? Greiðsluskilmálar? Hvernig verður greitt fyrir vöruna?

 – Hvernig verður vörunni dreift til viðskiptavina? Beint til viðskiptavina, gegnum smásala (verslanir), eða í gegnum aðra milliliði?

 – Hver verður auglýsinga- og kynningarstefna fyrirtækisins? Hvaða leiðir verða nýttar til að ná til viðskiptavinanna (auglýsingar, markpóstur, heimasíða, bein samskipti mann á mann, o.s.frv.)?

 – Birtingaáætlun Hér er með skipulögðum hætti sett niður áætlun um birtingu kynningarefnis, auglýsinga, sýningaþátttöku og annað það sem lýtur að sýnileika fyrirtækisins. Greinargóð birtingaáætlun með tímasetningum og kostnaðaráætlun eykur líkur á árangri í markaðssetningu.

Söluáætlun og markmiðasetning

 – Markmiðasetning: Markmið þurfa að vera tímasett, aðgerðatengd og mælanleg til að á ákveðnum tímapunktum sé hægt að meta árangur.
o Skammtímamarkmið – Skemmri en til 12 mánaða.
Dæmi: Framleiðsluaðstaða fyrir starfsemina verði tilbúin fyrir 1. sept. 2011.
Dæmi: Fyrstu vörur úr vöruflokki A verði komnar í sölu í þrjár verslanir 1. des. 2011.
o Langtímamarkmið – Markmið um þróun til lengri tíma (2-5 ár).
Dæmi: Að heildarvelta vaxi að lágmarki um 30% milli áranna 2012 og 2013, með tilkomu tveggja nýrra vöruflokka.
Dæmi: Að starfsemin standi undir tveimur ársverkum á árinu 2013.

 – Söluáætlun: Setja þarf fram forsendur um selt magn í einingum á ákveðnu tímabili, söluverð og þróun sölu innan tímabilsins, á skýran og vel rökstuddan hátt. Söluáætlun miðast við sama tímabil og fjárhagsáætlanir. Eðlilegast er að setja söluáætlun upp í töfluformi fyrir skilgreind tímabil (mánuðir, ársfjórðungar eða ár, sjá töflu ). Söluáætlun verður síðan hornsteinn rekstraráætlunar og áætlunar um sjóðstreymi.

Framkvæmdaáætlun

 – Framkvæmdaáætlun inniheldur nánari útlistun á því hvaða verk þarf að vinna til þess að starfsemin geti farið af stað og vara/þjónusta fari á markað? Setja þarf upp raunhæft mat á því hversu langan tíma það tekur að inna af hendi einstök verk. Ef verkefnið er mjög fjölþætt er eðlilegt að draga út mikilvægustu þættina hér (sjá dæmi um uppsetningu og verkþætti í töflu hér að neðan), en sýna sundurliðaða framkvæmdaáætlun í fylgiskjali.

– Heiti og form: Hvert er heiti verkefnisins/fyrirtækisins og á hvaða formi verður það rekið (einstaklingsfyrirtæki, einkahlutafélag, o.s.frv.)?

 – Núverandi staða: Hver er staða fyrirtækisins í dag, hvaða áföngum hefur verið náð, er þetta nýtt fyrirtæki um þessa viðskiptahugmynd, eða tengist þetta starfsemi starfandi fyrirtækis og ef svo er hver er hún og helstu einkenni hennar?

 – Staðsetning og starfsemi: Hvar verður starfsemin staðsett? Hvað þarf til (aðstaða, starfsfólk, sérþekking). Hvaða kröfur eru gerðar til starfseminnar t.d. varðandi leyfi (t.d. rekstrarleyfi)?

 – Hver er forsvarsmaður fyrirtækisins (vísað í ferilskrá/fylgiskjal ef við á), eigendur, helstu samstarfsmenn og/eða ráðgjafar (ef einhverjir)? Dragið fram alla þá hæfni og þekkingu sem starfsfólk/teymið að baki hugmyndinni, býrúa yfir og getura/munu gagnast viðskiptahugmyndinni.

 – Einkaleyfi? Hönnunarvernd? Kvótaeign? Hér dragið þið fram allt það sem skapar fyrirtækinu, samkeppnisforskot.

 – Stjórnun: Hver er verkaskiptingin milli stjórnenda fyrirtækisins?. Ath:. Þetta á ekki endilega við þegar um smærri verkefni er að ræða.

– Hver er stefna, framtíðarsýn, hlutverk og gildi fyrirtækisins?

Hvernig koma tekjurnar inn? Tekjur fyrirtækisins geta skilað sér með ýmsum hætti. Tekjur geta t.d. verið í formi sölu á vöru leigu, áskrift eða þóknun.
Hvaða kostnaður kemur til? Kostnaður fellur til af starfseminni og hægt er fara mismunandi leiðir.

Ef um nýtt fyrirtæki er að ræða eru ekki til neinar tölur úr rekstri til að byggja á og þarf því að setja fram forsendur að áætlunum en út frá þeim eru niðurstöður fengnar. Dæmi um forsendur eru t.d. sala, fjöldi starfsmanna, laun þeirra, vaxtastig lána og svo framvegis. 

Fjárhagsáætlun

Fjárhagsáætlanir samanstanda annars vegar af tekju- og kostnaðaráætlun sem er rekstraráætlun fyrirtækisins og hins vegar af áætlun um inn- og útborganir sem er greiðsluáætlun fyrirtækisins.

Rekstraráætlun

Í rekstraráætlun þarf að setja niður hvernig gjöld greiðast úr fyrirtækinu og hvernig tekjur koma inn. Rekstraráætlun ætti í flestum tilfellum að ná til að lágmarki þriggja ára. Hún sýnir áform um þróunstarfseminnar og endurspeglar áður framsett markmið og söluáætlun.

Greiðsluáætlun

Í greiðsluáætlun má sjá hvernig þau úrræði sem eru til umráða (handbært fé) breytast frá upphafi hversmánaðar til loka hvers mánaðar. Þetta er gert með því að setja allar hreyfingar á peningum upp í yfirlit þar sem efnisflokkar eru lóðrétt og mánuðir eru lárétt, upphæðirnar eru skráðar þar sem búist er við að hreyfingar verði.

Sjá nánar á Fjármál

Áætlun um sjóðsstreymi

Hér er gerð grein fyrir lykiltölum úr áætlun um sjóðstreymi í texta.

Dæmi um texta:
Fjárstreymi inn og út úr starfseminni nokkuð sveiflukennt. Sölutekjur koma ekki inn fyrr en í lok fyrsta árs, en umtalsverð rekstrarfjárþörf er til staðar allt frá júnímánuði sama árs. Veltufé frá rekstri er því neikvætt á fyrsta ári. Þörf fyrir lausafé í upphafi rekstrar verður mætt með lánsfé.
Áætlun gerir ráð fyrir að veltufé frá rekstri verði jákvætt á öðru og þriðja ári og að handbært fé í lok annars og þriðja árs verði jákvætt. Arðgreiðslugeta til hluthafa ætti því að verða nokkur á öðru og þriðja ári.

Stofnkostnaðar­áætlun

Mikilvægt er að stilla upp stofnkostnaðaráætlun áður en farið er af stað í fyrirtækjarekstur. Nauðsynlegt er að átta sig á því hvað það kostar að hrinda hugmynd í framkvæmd og hvernig brúa skal bilið þar til reksturinn fer að skila tekjum. Stofnkostnaðaráætlun snýst um að lista upp þann kostnað sem fellur á fyrstu stigum og fer sá kostnaður eftir því hver viðskiptahugmyndin er.

Algengir kostnaðarliðir eru hér eftirfarandi en athugið að listinn er ekki tæmandi:

– Undirbúningskostnaður – gerð viðskiptaáætlana, prófanir, öflun markaðsupplýsinga, leit að fjárfestum og/eða samstarfsaðilum.
– Þróunarkostnaður – sá kostnaður sem felst í því að koma vöru eða þjónustu í söluhæft form.
– Tæki og búnaður – hér er um að ræða hvers kyns tæki og búnaður sem nauðsynlegt er að fjárfesta í þannig að starfsemi geti hafist.
– Húsnæði og innréttingar – huga þarf að standsetningu húsnæðis, vinnu iðnaðarmanna, innréttingar, merkingar og leiga húsnæðis.
– Markaðskostnaður – hér er átt við þá þætti markaðsáætlunar sem snúa að gerð vörumerkis, umbúða, bæklinga, nafnspjalda og öðru kynningarefni sem þarf til áður en farið er af stað.
– Skráningar – og leyfisgjöld – ýmis kostnaður fylgir skráningu fyrirtækja og öflun leyfa (fer eftir starfsemi).
– Ýmis sérfræðikostnaður – til dæmis má hér nefna lögfræðinga, endurskoðendur og tölvuþjónustu. 

Mjög mismunandi er hvort frekari upplýsingum er bætt við viðskiptaáætlunina sem fylgiskjölum. Hér ræður eðli og umfang viðskiptahugmyndarinnar hverju sinni. Dæmi um upplýsingar sem gjarnan eru sett með sem fylgiskjöl:

 – Ferilskrá stofnenda fyrirtækisins.
 – Nánari umfjöllun um forsendur fyrir tilteknum þáttum í áætluninni, t.d. forsendur fyrir söluspá, forsendur fyrir verðlagningu, sundurliðun kostnaðar, o.s.frv.
 – Ítarlegri útfærsla á fjárhagsáætlunum (útprentun úr fjárhagslíkani).
 – Niðurstöður markaðsrannsókna.
 – Afrit af starfsleyfum, leyfisbréfum eða öðrum slíkum skjölum.
 – Lög og reglugerðir sem varða fyrirhugaða starfsemi.
 – Teikningar eða skýringarmyndir sem varða vöru, aðstöðu, byggingar eða staðhætti.
 – Kynningarefni um þá vöru eða þjónustu sem ætlunin er að framleiða/veita t.d. bæklingar, auglýsingar, útprentanir af vefefni, o.s.frv..
 – Heimildaskrá, m.a. um fyrirliggjandi markaðsupplýsingar.

Grunnupplýsingar um teymi fyrirtækisins, svo sem upplýsingar um menntun og reynslu sem nýtist við rekstur fyrirtækisins ættu að koma fram í upphafi viðskiptaáætlunarinnar.

Heiti verkefnis og á hvaða formi verður það rekið. Staðsetning, starfsemi og slíkar upplýsingar.

Lykilatriði úr hverjum kafla fyrir sig birtast í samantektinni  og því er eðlilegast að vinna hana þegar vinnslu annarra kafla er lokið. Samantektin þarf að vera hnitmiðuð og gefa glögga mynd af viðskiptaáætluninni í heild, þar þarf að gera öllum megin þáttum áætlunarinnar skil, lýsa þörf fyrir vöru/þjónustu og hvernig á að uppfylla þörfina.

Koma þarf fram hver áætlaður markaður er og hvernig varan er í samanburði við aðra á markaði. Einnig að gera grein fyrir því hver áætlaður stofnkostnaður er og því hvernig fjármögnun verður háttað. Niðurstöður rekstraráætlunarinnar eru gjarnan settar fram í töflu, þar sem fram koma tekjur, kostnaður og rekstrarniðurstaða.

Samantektin er í raun sölusíða viðskiptaáætlunarinnar sjálfrar. Hún þarf strax í upphafi að vekja áhuga lesandans. Þar á eftir koma mikilvægustu atriði viðskiptaáætlunarinnar sjálfrar og í lok samantektarinnar þarf að benda á hvað viðskiptatækifærið er álitlegt.

Hafa skal í huga að lesendur viðskiptaáætlunarinnar munu í einhverjum tilfellum eingöngu lesa samantektina. Samantektin ætti ekki að vera meira en ein blaðsíða að lengd.

Hér skal lýsa hvaða þörfum viðkomandi vara eða þjónusta er ætlað að mæta eða hvað tækifæri viðskiptahugmyndinni er ætlað að grípa. Einnig er hér sagt frá viðskiptahugmyndinni og megintilgangi hennar í örfáum setningum.

 – Hver er söluvaran, helstu eiginleikar hennar og sérstaða.

 – Hvernig uppfyllir varan þarfir viðskiptavinarins og skapar fyrirtækinu sérhæfingu og samkeppnisforskot. Hvernig er þörfinni sinnt núna?

Virði fyrir viðskiptavin getur m.a. verið fólgið í nýjungum , bættri virkni, lágu verði, betri gæðum, einföldu notendaviðmóti, góðri hönnun og sterkri ímynd.

Lýstu vörunni á einfaldan hátt svo aðrir sem ekki þekkja til skilji um hvað er að ræða, t.d. fjöldi vöruflokka, eiginleikar og/eða sérstaða hvers vöruflokks.

Hér þarf að koma fram

Lýsing á markaði(m.t.t. umfangs, fjölda viðskiptavina og samkeppnisaðila)

Hver er markhópurinn? Mikilvægt er að fram komi hverjir eru væntanlegir markhópar, en þeir geta verið mismunandi eftir ólíkum vörum fyrirtækisins. Lýsa þarf einkennum valdra markhópa og hvernig megi ná til viðkomandi hóps. Hvar búa viðskiptavinirnir? Hverjar eru kaupvenjur helstu viðskiptavina og hvernig mun fyrirtækið koma til móts við þær? Hvert verður megin markaðssvæði fyrirtækisins?

Verð: Út frá hverju er verð vörunnar fundið?  Verður verðlagning mismunandi eftir árstíðum? Á að bjóða ákveðnum hópum sérkjör? Hvernig verður greitt fyrir vöruna?

Dreifileiðir: Hvernig verður vörunni dreift til viðskiptavina? Ætlar fyrirtækið að selja beint til viðskiptavina, gegnum smásala (verslanir), eða í gegnum aðra milliliði? 

Hér getið þið notað upplýsingar úr Markaðs- og samkeppnisgreiningunni og Viðskiptavinir

Framkvæmdaáætlun

 – Framkvæmdaáætlun inniheldur nánari útlistun á því hvaða verk þarf að vinna til þess að starfsemin geti farið af stað og vara/þjónusta fari á markað. Setja þarf upp raunhæft mat á því hversu langan tíma það tekur að inna af hendi einstök verk. Ef verkefnið er mjög fjölþætt er eðlilegt að draga út mikilvægustu þættina hér, en sýna sundurliðaða framkvæmdaáætlun í fylgiskjali. Mikilvægt er að huga vel að þeirri starfsemi sem skapar fyrirtækinu sérstöðu, hvort sem sú sérstaða byggir á lágu verði, miklum gæðum eða einhverju öðru

– Verkáætlun inniheldur nánari útlistun á því hvaða verk þarf að vinna til þess að starfsemin geti farið af stað og vara fari á markað? Setja þarf upp raunhæft mat á því hversu langan tíma það tekur að inna af hendi einstök verk. Ef verkefnið er mjög fjölþætt er eðlilegt að draga út mikilvægustu þættina hér, en sýna sundurliðaða verkáætlun í fylgiskjali

 – Markmiðasetning: Hafðu markmiðin SMART- Sértæk, Mælanleg, Aðgengileg, Raunhæf og Tímasett. Því sértækari sem markmiðin eru þeim mun betur er verkefnið skilgreint. Skýr markmiðasetning gerir áætlunina einnig skýrari aflestrar og dregur fram mikilvægustu upplýsingarnar.

 – Hvaða leiðir verða nýttar til að ná til viðskiptavinanna (auglýsingar, markpóstur, heimasíða, bein samskipti mann á mann, o.s.frv.)?

Stofnkostnaðar­áætlun

Mikilvægt er að stilla upp stofnkostnaðaráætlun áður en farið er af stað í fyrirtækjarekstur. Nauðsynlegt er að átta sig á því hvað það kostar að hrinda hugmynd í framkvæmd og hvernig brúa skal bilið þar til reksturinn fer að skila tekjum. Stofnkostnaðaráætlun snýst um að lista upp þann kostnað sem fellur á fyrstu stigum og fer sá kostnaður eftir því hver viðskiptahugmyndin er.

Fjárhagsáætlun

Fjárhagsáætlanir samanstanda annars vegar af tekju- og kostnaðaráætlun sem er rekstraráætlun fyrirtækisins og hins vegar af áætlun um inn- og útborganir sem er greiðsluáætlun fyrirtækisins. Hvernig koma tekjurnar inn? Tekjur fyrirtækisins geta skilað sér með ýmsum hætti. Tekjur geta t.d. verið í formi sölu á vöru leigu, áskrift eða þóknun.
Hvaða kostnaður kemur til? Kostnaður fellur til af starfseminni og hægt er að fara mismunandi leiðir.

Mjög mismunandi er hvort frekari upplýsingum er bætt við viðskiptaáætlunina sem fylgiskjölum. Hér ræður eðli og umfang viðskiptahugmyndarinnar hverju sinni. Dæmi um upplýsingar sem gjarnan eru sett með sem fylgiskjöl:

 – Ferilskrá stofnenda fyrirtækisins.
 – Nánari umfjöllun um forsendur fyrir tilteknum þáttum í áætluninni, t.d. forsendur fyrir söluspá, forsendur fyrir verðlagningu, sundurliðun kostnaðar, o.s.frv.
 – Ítarlegri útfærsla á fjárhagsáætlunum (útprentun úr fjárhagslíkani).
 – Niðurstöður markaðsrannsókna.
 – Afrit af starfsleyfum, leyfisbréfum eða öðrum slíkum skjölum.
 – Lög og reglugerðir sem varða fyrirhugaða starfsemi.
 – Teikningar eða skýringarmyndir sem varða vöru, aðstöðu, byggingar eða staðhætti.
 – Kynningarefni um þá vöru eða þjónustu sem ætlunin er að framleiða/veita. (Bæklingar, auglýsingar, útprentanir af vefefni, o.s.frv.).
 – Heimildaskrá, m.a. um fyrirliggjandi markaðsupplýsingar.